ANTÓN REIXA

Vigo (1957). Licenciado en filoloxía galega, escritor (poesía, teatro, narrativa e prensa).

​

Creador audiovisual (dirección, produción, guión cinema e Tv, vídeocreación). Músico (cantante e letrista, fundamentalmente co grupo Os Resentidos). Exerceu como profesor de lingua e literatura galegas no ensino secundario. Dirixiu e presentou programas de radio.

​

Comezou o seu traballo literario como membro fundador do grupo de comunicación poética Rompente. Impartiu conferencias e sesións de masterclass en diferentes universidades e centros culturais. Ten participado en numerosos recitais cos seus propios poemas. Foi o máximo responsable da produtora Videoesquimal. Presidiu a produtora Filmanova e as súas filiais entre 1999 e 2017 con éxitos como Mareas Vivas ou O Lapis do Carpinteiro.Foi presidente do Clúster Audivisual de Galicia e de SGAE.

​

Traballou na filmoteca de Galicia (CGAI), en comisión de servizos para AGADIC.

​

Colabora habitualmente en Luzes.gal e como tertuliano no programa de radio de Julia Otero. Continúa co seu traballo literario e de letrista, a mais de colaboracións en prensa e para outros proxectos audiovisuais.

​

En teatro ten unha longa experiencia: “Gulliver FM” (1985, Grupo Artellllo, autor), “After Shave” (1986, musical, autor, director e produtor), “Doberman” (1994, autor), autor de tres espectáculos coa compañía suiza “L’Alakran” (director Oskar Gómez Mata), colaboración con “La Fura Dels Baus”, produtor de “Mundo Lois” e do musical “Galicia Caníbal”. Autor e actor de “Melancoholemia” (director Fernando Bernues) e con Antela Cid, Crémilo o CDG e A Cidade da Cultura para o programa Clásicas Desfeita, a produción de Míticas pero Secundarias (autor, director e intérprete).

​

En 2021 foille concedida polo goberno español a medalla de ouro ao Mérito nas Belas Artes. No 2023 recibe o III Premio Plataforma na IV edición do Festival Plataforma organizado pola Cooperativa Performa - Santiago de Compostela 2023.

​

Bibliografía:

​

Poesía

​

-”Viva Galicia Beibe” (cancións 1982-2016) (Xerais, 2016)

-”Algo Raro Pasa Raro”, 2015, edición bilingüe galego-castelán (La Oficina)

-“Leccións de Cousas”, 2012; .edición bilingüe galego-castelán (La Oficina)

-“Látego de Algas” 2008  (editorial Espiral Mayor)

-“Escarnio”, libro-cd rom (El Europeo-Esan Ozenki, 1999)

-”Ringo Rango”, vídeo-libro (edicións Xerais, 1992)

-”Historia do Rock and Roll” (Universidade de Santiago de Compostela, 1984, Premio Galicia.

-”A Dama que fala”(Xerais 1983, colectivo Rompente)

-”As ladilllas do Travesti” (Rompente Edicións, 1979)

-”Silabario Da Turbina” (Rompente Edicións 1978, colectivo)

Narrativa

- “Transporte de superficie” (Edicións Positivas)

-”MICHIGAN/ Acaso Michigan” (Edicións Xerais Circulo de Tiza)

​

Teatro

​

-“Gulliver FM” (Grupo Artello, 1985)

-”After Shave” (1986)

-”Doberman” (1994) 

- “El Silencio de las Xigulas” (Legaleón Teatro)

-“Cerveau Caboossé 2: King Kong Fire” (con  Oskar Gómez, Alakran, Suiza 2004)

-”Estoy en misa, vuelvo enseguida” (con Oskar Gómez, Alakran, Suiza, 2010)

-Galicia Caníbal (produtor, 2012)

-”Mundo Lois” (2010, sobre textos de Lois Pereiro, produtor)